الموقع التخصصى فى الرياضيات للثانوية العامة

أهلا بك زائرنا الكريم
إذا كنت تريد التصفح فقط فتفضل فنحن كتاب مفتوح لك
وإذا كنت تريد مشاركتنا بموضوعاتك المفيدة وأرآئك السديدة ( وهذا مانأمله منك ) فتفضل بالتسجيل فى المنتدى ونحن فى انتظار مساهماتك الفعالة

إتاحة المذكرات والكتب والمناقشات العلمية الخاصة برياضيات التعليم الثانوى والفوتوشوب والشعر


    مصر السهرانة

    الأستاذ / علىّ الدين يحيى
    الأستاذ / علىّ الدين يحيى
    مدير عام المنتدى
    مدير عام المنتدى

    عدد المساهمات : 876
    تاريخ التسجيل : 12/05/2009
    العمر : 65
    الموقع : www.elhelmia.com

    مصر السهرانة Empty مصر السهرانة

    مُساهمة من طرف الأستاذ / علىّ الدين يحيى في الأحد يوليو 26, 2009 10:28 pm

    مصر السهرانة

    النور ملو الشوارع 
    و مليون راديو والع 
    الساعة اتنين صباحا 
    لكن إيه الموانع ! .. 
    الخلق رايحة جايه
    و الدنيا لسه حيه 
    مليانه بالهأَو أَو 
    و زعيق القهوجية 
    واحد يقول لواحد : 
    خليك يا عم قاعد 
    التانى يقول له : 
    شكرا 
    ده انا م المغرب مواعد
    فيه سهره لسه عندى
    فى بيت فلان افندى
    ح ناكل حاجة حلوه 
    و نشرب تمر هندى
    و اللى تروح دالقه جردل
    فوق حضرة المبجل 
    طبعا صاحبنا يزعل
    و ينفجر شتايم 
    و الحى كله يوصل
    ما بين مصلح و لايم 
    اللى يقول : يا جماعة
    و اللى يقول : يا بهايم 
    و مطرب الاذاعة 
    يصرخ ، و ف وجده هايم 
    و لو طرطقت ودنك ،
    فى وسط دى العظايم ،
    تسمع مسحراتى ، 
    بطبله صوتها واطى ، 
    بيقول : 
    اصحى يا نايم



      الوقت/التاريخ الآن هو الثلاثاء أكتوبر 22, 2019 2:00 pm