الموقع التخصصى فى الرياضيات للثانوية العامة

أهلا بك زائرنا الكريم
إذا كنت تريد التصفح فقط فتفضل فنحن كتاب مفتوح لك
وإذا كنت تريد مشاركتنا بموضوعاتك المفيدة وأرآئك السديدة ( وهذا مانأمله منك ) فتفضل بالتسجيل فى المنتدى ونحن فى انتظار مساهماتك الفعالة

إتاحة المذكرات والكتب والمناقشات العلمية الخاصة برياضيات التعليم الثانوى والفوتوشوب والشعر


    الدرس إنتهى

    الأستاذ / علىّ الدين يحيى
    الأستاذ / علىّ الدين يحيى
    مدير عام المنتدى
    مدير عام المنتدى

    عدد المساهمات : 876
    تاريخ التسجيل : 12/05/2009
    العمر : 65
    الموقع : www.elhelmia.com

    الدرس إنتهى Empty الدرس إنتهى

    مُساهمة من طرف الأستاذ / علىّ الدين يحيى في الأحد يوليو 26, 2009 10:14 pm

    الدرس انتهى


    الدرس انتهى لموا الكراريس
    بالدم اللى على ورقهم سـال
    فى قصـر الأمم المتــحدة
    مسـابقة لرسـوم الأطـفال
    ايه رأيك فى البقع الحمـرا
    يا ضمير العالم يا عزيزى
    دى لطفـلة مصرية وسمرا
    كانت من أشـطر تلاميذى
    دمها راسم زهرة
    راسم رايـة ثورة
    راسم وجه مؤامرة
    راسم خلق جباره
    راسم نـار
    راسم عار
    ع الصهيونية والاستعمار
    والدنيا اللى عليهم صابرة
    وساكته على فعل الأباليس
    الدرس انتـهى
    لموا الكراريس ..
    ايه رأى رجـال الفكر الحر
    فى الفكرادى المنقوشة بالدم
    من طفل فقير مولود فى المر
    لكن كان حلو ضحوك الفـم
    دم الطـفل الفـلاح
    راسم شمس الصباح
    راسم شـجرة تفاح
    فى جناين الاصلاح
    راسم تمساح
    بألف جناح 
    فى دنيا مليانة بالأشبـاح
    لكنـها قلـبها مرتــاح
    وساكتة على فعل الأباليس
    الدرس انتـهى
    لموا الكراريس …
    ايه رأيك يا شعب يا عربى
    ايه رأيك يا شعب الأحـرار
    دم الأطـفال جايلك يحـبى
    يقول انتـقموا من الأشـرار
    ويسيل ع الأوراق
    يتهجى الأسـماء
    ويطـالب الآبـاء
    بالثـأر للأبـناء
    ويرسم سيف
    يهد الزيـف
    ويلمع لمعة شمـس الصيف
    فى دنيا فيها النور بقى طيف
    وساكتة على فعل الأباليـس
    الدرس انتهى لموا الكراريس



      الوقت/التاريخ الآن هو الخميس أكتوبر 17, 2019 7:33 pm