الموقع التخصصى فى الرياضيات للثانوية العامة

أهلا بك زائرنا الكريم
إذا كنت تريد التصفح فقط فتفضل فنحن كتاب مفتوح لك
وإذا كنت تريد مشاركتنا بموضوعاتك المفيدة وأرآئك السديدة ( وهذا مانأمله منك ) فتفضل بالتسجيل فى المنتدى ونحن فى انتظار مساهماتك الفعالة

الموقع التخصصى فى الرياضيات للثانوية العامة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

إتاحة المذكرات والكتب والمناقشات العلمية الخاصة برياضيات التعليم الثانوى والفوتوشوب والشعر


    يا عم حمزة ...

    الأستاذ / علىّ الدين يحيى
    الأستاذ / علىّ الدين يحيى
    مدير عام المنتدى
    مدير عام المنتدى

    عدد المساهمات : 876
    تاريخ التسجيل : 12/05/2009
    العمر : 66
    الموقع : www.elhelmia.com

    يا عم حمزة ... Empty يا عم حمزة ...

    مُساهمة من طرف الأستاذ / علىّ الدين يحيى في الأحد يوليو 26, 2009 10:06 pm

    احنا التلامــــذة 
    يا عم حمزه ، 
    احنا التلامذة . 
    جن و بلاوى مسيّحه من غير مؤاخذه 
    نكبر ما نكبر ، 
    الله أكبر . 
    طول الزمان ع الامتحان داخلين مبارزه ! 
    هل من مبارز ؟ 
    هل من مناجز ، 
    هل من معارك فى البلد دى ، لسه عايزه ؟ 
    هل من منادى ؟ 
    و نفير جهادى 
    قال لك : أجل ! .. لسه العجل فى رمله غارزه ! 
    لسه ف طريقنا للأَمال ، 
    و الرمله من كل جهه .. 
    زقه مع زميلكم جمال ، 
    يا عقولنا يا متنبهه ! 
    الرمله حلوه ع البلاج ، 
    حلوه على باب الفرح ، 
    لكن لحد كده و بلاش ، 
    أَحسن شعورى بينجرح . 
    اسفخص على لون الاصفرار 
    و الفقر ، والخوف ، و المرض 
    ماشفته الا و دمى فار ، 
    و حلمت بيه زال ، و انقرض . 
    كابس علينا الشئ ده ليه ؟ 
    هو انجليز .. ؟ 
    و الاتتر ؟ 
    دوكهم خطر ، قمنا عليه ، 
    رياح ما خلتلوش أَتر . 
    كان برضه أمشير زى ده ، 
    .. كان برضه أَمشير زى ده ، 
    كان برضه فبراير كده ، 
    قمنا جموعا حاشده ، 
    سلاحنا أَنشودة فدا .. 
    احنا الجواب ، واحنا الندا ، 
    و احنا التلامذه المنجده .. 
    يا عم حمزه ما شتناش ؟ 
    .. الدنيا شافت دمنا ، 
    حنّه ، على ايدين أمنا ، 
    حلفت يكون عيد باسمنا ، 
    عيد ابتدا و لا انتهاش .. 
    يا عم حمزه ، 

    (لا ماليف) و همزه 
    لأَ .. مش عاوزين عيشة و ارثين 
    و لا دنيا جاهزه . 
    ده ابو سد عالى ، 
    شهران ليالى ، زى التلامذة ف الامتحان .. يا عم حمزه



      الوقت/التاريخ الآن هو الخميس نوفمبر 26, 2020 3:00 pm