الموقع التخصصى فى الرياضيات للثانوية العامة

أهلا بك زائرنا الكريم
إذا كنت تريد التصفح فقط فتفضل فنحن كتاب مفتوح لك
وإذا كنت تريد مشاركتنا بموضوعاتك المفيدة وأرآئك السديدة ( وهذا مانأمله منك ) فتفضل بالتسجيل فى المنتدى ونحن فى انتظار مساهماتك الفعالة

انضم إلى المنتدى ، فالأمر سريع وسهل

الموقع التخصصى فى الرياضيات للثانوية العامة

أهلا بك زائرنا الكريم
إذا كنت تريد التصفح فقط فتفضل فنحن كتاب مفتوح لك
وإذا كنت تريد مشاركتنا بموضوعاتك المفيدة وأرآئك السديدة ( وهذا مانأمله منك ) فتفضل بالتسجيل فى المنتدى ونحن فى انتظار مساهماتك الفعالة

الموقع التخصصى فى الرياضيات للثانوية العامة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

إتاحة المذكرات والكتب والمناقشات العلمية الخاصة برياضيات التعليم الثانوى والفوتوشوب والشعر


    أنا حتجوز تانى !!!

    الأستاذ / علىّ الدين يحيى
    الأستاذ / علىّ الدين يحيى
    مدير عام المنتدى
    مدير عام المنتدى


    عدد المساهمات : 877
    تاريخ التسجيل : 12/05/2009
    العمر : 70
    الموقع : www.elhelmia.com

    أنا حتجوز تانى !!!  Empty أنا حتجوز تانى !!!

    مُساهمة من طرف الأستاذ / علىّ الدين يحيى السبت نوفمبر 08, 2014 11:42 am

    للكاتب محمود عبد الرحمن نقلاً عن صحيفة اليوم السابع قرأت لكم هذه القصة التى أعجبتنى :

    عينه فى عينى.. يترقب نظراتى.. قلق من ردة فعلى.. رفع أحد حاجبيه وأسند ظهره بهدوء على الكرسى.. ثم رفع رجله على المنضدة وشبك يديه ووضعهما خلف رأسه.. وقال: "أنا حـ أتجوز تانى".
    - المرأة مش رقم
    - الجواز مش حرام!
    - أنا عارف.. التعدد حلال.. طب وكريم ابنك وأخته.. تضمن لى ينسجموا مع أخواتهم من "الثانية".
    - الأولاد حـ يتربوا مع بعض.. ولا تستبق المشكلات.
    قابلت الأمر بهدوء.. فكثير ما تعودت منه على مثل تلك الأفكار الشاذة الغريبة.. أفكار نزيهة ولكنها أنانية تحمل فى طياتها "من حقى.. وفيها إيه.. احنا اتفقنا.. وكله بما يرضى الله!".. كلما تحدث ناشرا عفن أفكاره مرت سيارة مخلفات الفراخ.
    هذا "حسين".. ثلاثينى العمر.. ذكى ونشيط.. صديق الطفولة والدراسة.. طالما جمعتنا "تختة" واحدة.. خداه أملسان مملوءان.. رأسه متعرجة كالأرض الزراعية بعد حرثها فى منتصفها بقعة صلعاء تتوسع طرديا مع طغيان أفكاره الغريبة.. بالكاد يأخذ نفسه من أثر "التخمة" المستمرة.. قميصه متفتح صانعا أقواسا بين الزراير.. جسده يشبه الكمثرى تتدلى منها سيقان رفيعة.. "كرشه" لا يفارق فخذيه.. يحلم دائما بـ وهم الانطلاق مع الاستقرار ببيت تغمره روح الانتماء والسكينة.. جدع جدا.. لكنه لا يرسو على شاطئ إلا كشاطئ "يوم السبت".
    - أنا قهوة مظبوط.. وحسين شاى بالنعناع.
    أصوات صاخبة تعلو بأنحاء المكان.. الست تشدو: "عايزنا نرجع زى زمان قول للزمان ارجع يا زمان".. والزهر يرن.. و"شيش يك".. و"حد هنا طالب بيتزا شيخ العرب"..
    - أخبارك إيه؟ وكريم عامل إيه؟
    - تعبان والله.. امبارح طول اليوم سخونية ورشح وخايفين يعدى أخته.. والشغل على كف عفريت.
    - تصدق إنت كرهتنى فى الجواز.
    - ليه دا الجواز جميل.
    - طب ليه حـ تتجوز تانى.
    - لما تتجوز إنت أولانى حـ تعرف.
    فى طاولة مجاورة.. يجلس عم حكيم.. ستينى العمر.. مدرس أول علم اجتماع.. قميصه متهالك.. يرتدى نظارة كبيرة على حافة أنفه.. واضعا رجلا على رجل.. مع نصف انحناءة للأمام.. محدقا فى جورنال قديم يحل كلماته المتقاطعة.
    - عم حكيم يا "جينياص".
    - أهلا..
    - اسمحلنا نقتحم خصوصياتك لدقائق.. حكّم ما بينا.
    - ها
    - حسين عايز ياخد رأيك فى موضوع كدا.
    - أنا حـ أتجوز تانى.
    - شايف نفسك "دكر" يعنى وهتقدر على اتنين.. اتنين مع بعض.
    - هههههه.. رد أنت يا حسين.
    - ثقة فى الله.. موجود.
    - انتو يا شباب اليومين دول متهورين.. مبتعرفوش تخططوا ولا تختاروا.. تقدر تجاوبنى "انت اختارت مراتك "أم كريم" دى أصلا ليه؟"
    - واحدة حلوة من عيلة ومتعلمة.. بس مش فاهمانى ومش عارف أتعامل معاها.
    - يا ابنى.. شركاؤنا فى الحياة مش أطباء روحانيين يفهمونا من نظرة عين، ولا حـ يشموا على ضهر إيديهم، ليعرفوا احنا محتاجين إيه، أحيانا لازم نكون مباشرين وواضحين جدا، عشان نقدر نفهم بعض.. اعرف إنت عاوز إيه واطلبه من مراتك، ولو ماقدرتش تديهولك، اتجوز غيرها أو عليها وماحدش حـ يلومك، إنما بالشكل ده، إنت بتظلمها وبتظلم نفسك وبتظلم بنات الناس معاك.
    - يا عم حكيم مليت منها.
    - ناقشها وانصحها بألا تتقبل الهزيمة.. ولا تتقبل فكرة أنها مش حـ تقدر تديك المتعة والسعادة التى حـ تديهالك أى واحدة تانية مهما كانت، وخليها تجدد وتغير وتطرد الخجل عشان تقدر تشبعك.. ولو عملت كدا فـ أنت مش حـ تاكل بره فى المطاعم.
    - لأ مطاعم ايه.. دى مراتى بتعملى "كوارع" هايلة.
    - طب وكوارعها هى عاجباك؟
    - ايه يا "جينياص"..حسين يزعل كدا
    - اخرس أنت
    - بصراحة يا عم حكيم مش قادر أوصل للمتعة الجنسية المرجوة معاها.
    - لو كنت فاكر إنك حـ تلاقى "علاقة جنسية" أفضل مع التانية فـ راجع نفسك، فقد تكون أنت السبب مش زوجتك، حاول تصلح مما تملك الآن لتتأكد أنك لن تقع فى نفس الأخطاء مع الزوجة الثانية، ولا تبن حياتك على الأوهام.. ولا أنت عايز تأدبها بواحدة تانية؟
    - لا خالص مش كدا.. الفكرة إنى شاب ومعايا فلوس وطاقاتى عالية.
    - آآآه قلتلى.. واضح من كلامك إنك شاب مغرور عليك العين شايف نفسك حلو.. ومستخسر تقدم عمرك لواحدة فقط.. عايش فى جو قديم حيث الجوارى وعلى بابا.. ونسيت زوجتك تماما.. بل وأهملتها رغم تضحياتها وإفناء شبابها معك.. فبمجرد ما تحسنت أحوالك اللى هى السبب فيها فكرت فى استبدالها بأخرى وكأنها مش من حقها أن تتمتع بحياتها اللى أفنتها فى تربية أولادك.
    - يا "جينياص".. دى لبانة فى بقه.. "حـ أتجوز، حـ أتجوز".. وحاطتها تحت ضغط رهيب.. وهو لا هيتجوز ولا نيلة.
    - قلتلك اسكت إنت سيبه هو يتكلم.. واضح يا بشمهندس إنك سيكوباتى ضعيف الشخصية.. ومراتك هى السبب.. عشان أظهرت خوفها أن تخسرك.. ودا دفعك لاستغلالها بأن تتقبل كل تصرفاتك.. ففى كل الأحوال "التهديد" سلوك مرضى ناتج عن نقص فى شخصيتك، فمن لا يستطيع إقناع الآخر يلجأ للتهديد لإثبات القوة التى تعكس فى طياتها ضعفا.
    - الله ينور عليك يا "جينياص".. ادى جامد.
    - أحياناً يكون الزواج الثانى مغامرة، وكأن يقول الزوج لنفسه: "جرب، فربما حصلت على السعادة التى لم أحصل عليها فى زواجى الأول"•. ولكن هل تتحقق سعادته؟ إنه دائم المقارنة مع حياته الزوجية الأولى، ودائم المقارنة بين زوجتيه الاثنتين، وكثيراً ما لا يجد فى حياته الجديدة ذلك السحر والافتتان المطلوب.. فلا تبن بيتا على أنقاض آخر.
    فى مشهد موازٍ اصطف المصلون لصلاة الفجر.. وعقب إفراغ الإمام جلس مربعا رجليه وجهه بوجه المصلين.. والمسبحة فى يمناه.. يتمايل كفروع الشجرة تحركها الرياح يمنة ويسرة.
    - الشيخ جمعة.. هو دا بقا إلى حـ يديك الزتونة.
    - آآه صحيح.. رجل بتاع ربنا وأكيد مش حـ يصد عن سبيل الله.
    - السلام عليكم شيخنا الجليل.. ايه رأيك؟ أنا متزوج من عشر سنوات.. ومافيش جديد فى حياتى.. وفى مطلقات وأرامل كتير.. وكـ جانب إصلاحى لازم نفكر فيه.. فـ أنا حـ أتجوز تانى.
    - بسم الله والصلاة والسلام على رسول الله.. يقول العدل: "فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة".. فالتعدد حلال.. لكن هناك نقطة مهمة جدا وهى أنه يصعب على الرجل أن يكون عادلا فى حق زوجاته مهما كان الأمر.. هل زوجتك مريضة ؟؟.
    - لا.
    - ومن كلامك زوجتك ليست بعاقر.
    - الحمد لله.
    - "الزواج بأربع" حلال حلال حلال.. لكن الرسول الكريم حذرنا من ظلم الزوجات بقوله: "من كان له امرأتان فمال إلى إحداهما.. جاء يوم القيامة وشقه مائل".. فهل تضمن لنفسك ألا تصطدم فتندم.. ولات حين مندم.
    - شقه مائل!؟ مائل أزاي؟.
    - هل تضمن عدم توتر علاقة الأبناء جميعهم، وأن تنجح بجميع التكليفات الأسرية، وأن تنفق بعدل وتتحمل ازدياد العبء المادى.
    - مش عارف.
    - أمتأكد أن يقتنع أولادك ويقدروا موقفك؟، وهل ستحقق الاستقرار المرجو؟
    - لا مش متأكد.
    - هل فكرت فيما سيترتب على هذا الزواج من مضار نفسية للأولاد وما له من مردود سلبى على تحصيلهم الدراسى، وهل فكرت فى النظرة الاجتماعية، قد تفقد مكانتك الاجتماعية بين الناس، وأولهم أبناؤك وزوجتاك وأهليهما.
    - ألو.. أيوة يا أم كريم.. أنا جاى.. جهزى نفسك وحضرى لى "الكوارع" أنا جعااااااااااااااان.
    [/size]

      الوقت/التاريخ الآن هو الخميس مارس 28, 2024 7:20 pm